პრემიერ-მინისტრის პრესსამსახურში კატეგორიულად უარყოფენ ინფორმაციას ბიძინა ივანიშვილის თვითმფრინავის ტექნიკურ პრობლემასთან კავშირებით. როგორც ,,ჯი-ეიჩ-ენს" ბიძინა ივანიშვილის პრესსამსახურის წარმომადგენელმა მანანა თოქმაჯიშვილმა განუცხადა, ბიძინა ივანიშვილის თვითმფრინავს დაფრენის დროს პრობლემები, მხოლოდ უამინდობის გამო შეექმნა.
,,პოლონეთის ვიზიტის შემდეგ პრემიერ-მინისტრის თვითმფრინავი ბათუმის საერთაშორისო აეროპორტში უნდა დამჯდარიყო, მაგრამ ძლიერი ქარის გამო თვითმფრინავი ვერ დაჯდა. ამიტომ პრემიერ-მინისტრის თვითმფრინავი თბილისის საერთაშორისო აეროპორტში დაჯდა", -განუცხადეს ,,ჯი-ეიჩ-ენს" პრემიერის პრესსამსახურში.
შეგახსენებთ, რომ ,,ყველა სიახლის" ინფორმაციით, "ერთ-ერთი ოფიციალური ვიზიტიდან დაბრუნებისას თვითმფრინავს, რომელშიც პრემიერი და სამთავრობო დელეგაცია იმყოფებოდნენ, დაშვებისას სერიოზული პრობლემა შეექმნა, ყველაფერი მშვიდობიანად კი დასრულდა, მაგრამ მომხდარმა ბიძინა ივანიშვილი ძალიან გააბრაზა და მოითხოვა გარკვეულიყო, რა და როგორ მოხდა. საბოლოო დასკვნით, შექმნილი პრობლემის მიზეზი სწორედ ასაფრენი ზოლი იყო" _ წერს ყველა სიახლე.
