,,შეშფოთებულები ვართ საქართველოში შერჩევით სამართლის განხორციელებით", _ განაცხადა ჟურნალისტებთან შვედეთის სგარეო საქმეთა მინისტრმა კარლ ბილდტმა, რომელიც ბრიუსელში აღმოსავლეთ პარტნიორობის" რიგით მეოთხე მინისტერიალს ესწრება.
,,საქართველოში არის პრობლემური საკითხები, კერძოდ რაც ეხება შერჩევით სამართალს, ამაზე შეშფოთებულები ვართ. ამიტომ ამ საკითხზე საგარეო საქმეთა მინისტრს უნდა ვესაუბროთ", _განაცხადა ბილდტმა.
შეგახსენებთ, რომ ღეს, ბრიუსელში თბილის დროით 17:00 საათზე „აღმოსავლეთ პარტნიორობის" რიგით მეოთხე მინისტერიალი იხსნება, რომელსაც უხელმძღვანელებს საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი, ევროკომისიის ვიცე-პრეზიდენტი, ქეთრინ ეშტონი.
მინისტერიალში მონაწილეობას მიიღებენ, გაფართოებისა და ევროპული სამეზობლო პოლიტიკის საკითხებში ევროკომისარი, შტეფან ფულე, ევროკავშირის წევრი ქვეყნებისა და „აღმოსავლეთ პარტნიორობის" ექვსივე ქვეყნის საგარეო საქმეთა მინისტრები და მაღალი რანგის სხვა ოფიციალური პირები. შეხვედრას საგარეო საქმეთა მისნიტრიც დაესწრება.
