სადაზღვევო კომპანია ჯიპიაი ჰოლდინგი ავტო დაზღვევის მფლობელებს მორიგ სიახლეს სთავაზობს, რომელიც კიდევ უფრო ოპერატიულსა და კომფორტულს გახდის კომპანიის მომსახურებას - ავტო ზარალების შემთხვევების ადგილზე ანაზღაურება.
კომპანიის ინფორმაციით, თანხის ანაზღაურება შემთხვევის ადგილზე ხდება, როდესაც დაზღვეული ავტომობილი დაზიანდა და ზარალის ოდენობა 1000 ლარამდეა. ხოლო თუ დაზღვეული ავტომობილით ზარალი მიადგა სხვა ავტომობილს, ანაზღაურება მოხდება დაზარალებულისთვის დამატებით 1000 ლარის ფარგლებში.
კომპანიაში განმარტავენ, რომ ასანაღაურებელი თანხა დაზღვეულისთვის ხელმისაწვდომია ისევე სწრაფად, როგორც „ფასთ ფუდი" - ეს არის GPIH Delivery-ის მთავარი მესიჯი, რომელსაც თბილისში შენიშნავთ ბილბორდებზე, სარეკლამო ეკრანებსა თუ ჯიპიაის ფეისბუქის გვერდზე.
"ჯიპიაი ჰოლდინგში" აცხადებენ, რომ ადგილზე ავტო ზარალის დარეგულირება შეეხება კერძო პირების ავტოსაგზაო შემთხვევებს თბილისსა და მის შემოგარენში 15 კილომეტრის რადიუსზე, ქუთაისში, ბათუმსა და ფოთში.
მცირე ავტოსაგზაო შემთხვევები შეფასდება შემთხვევის ადგილზე ჯიპიაი ჰოლდინგის ავტო დაზღვევის სერვის მენეჯერების მიერ. კლიენტთან შეთანხმებით, იქვე გამოიწერება ანაზღაურების დოკუმენტი, რომლის განაღდება შესაძლებელი იქნება იმავე დღეს "ჯიპიაი ჰოლდინგის" სერვის ცენტრში, მისამართზე: თბილისი, ჭავჭავაძის 2. ქუთაისში, ბათუმსა და ფოთში მომხდარ შემთხვევებზე ასანაღაურებელი თანხა დაზღვეულს ჩაერიცხება პირად ანგარიშზე.
ზარალის შეფასება ხდება ჯიპიაი ჰოლდინგის მიერ შემუშავებული საბაზრო ღირებულებაზე დაფუძნებული ანაზღაურების სქემის მიხედვით.
GPIH Delivery კამპანიის ფარგლებში კომპანია ონლაინ მეგობრებს ინოვაციურ აპლიკაციასაც სთავაზობს: ჯიპიაის ფეისბუქის გვერდზე www.facebook.com/GPIH.GE თქვენ შეგიძლიათ ნახოთ თუ სად, რა დროს და ვისთვის მოხდა თანხის ადგილზე ანაზღაურება. აპლიკაციაში მოცემული ინფორმაცია ყოველდღე განახლებადია.
სადაზღვევო კომპანია ჯიპიაი ჰოლდინგისთვის ერთ-ერთი პრიორიტეტია ავტო დაზღვევის მომსახურების მუდმივი გაუმჯობესება.
დამატებითი ინფორმაციისთვის მიმართეთ ჯიპიაი ჰოლდინგის ცხელ ხაზს 2505111, ან ეწვიეთ კომპანიის ვებ გვერდს www.gpih.ge და ფეისბუქს: www.facebook.com/GPIH.GE
