ბათუმის საზღვაო ნავსადგური (Batumi Sea Port) 2013 წლის პირველი ნახევარის შედეგებს აქვეყნებს, საიდანაც ირკვევა, რომ 2013 წლის იანვარ-ივნისში მშრალი ტვირთების ტვირთბრუნვამ 789 629 ტონა შეადგინა, რაც 163 207 ტონით (26,05%) მეტია გასული წლის ანალოგიური პერიოდის მაჩვენებლებთან შედარებით და წარმოადგენს აღნიშნული პერიოდის საწარმოო გეგმის შესრულების 100%-იან შედეგს.
რაც შეეხება ძირითად ტვირთებს, გეგმა გადაჭარბებით შესრულება შაქრის ნედლეულზე 52 757,04 ტონით (28,21%). გეგმის გასწრება ასევე შეიმჩნევა ბიგ-ბეგების პოზიციებზეც 12 453,66 ტონით (51,89%), ხორბალზე 36 284,29 ტონით (109,95%) და თხევად ტვირთებზე 18 940,28 ტონით (33,23%).
როგორც Batumi Sea Port-ში განმარტავენ, რომ 2013 წლიდან გაიზარდა შემდეგი ტვირთების გადამუშავების მოცულობა: შაქრის ნედლეული (10,32%), ამონიუმის გვარჯილა (10,70%), ბიგ-ბეგები (911,77%), ხორბალი (188,44%), ნაყარი (78,30%), თხევადი (19,75%) და სხვა ტვირთები (16,39%).
Batumi Sea Port-ის ინფორმაციითვე, ტვირთის ნაკადის მიმართულებებში მოხდა გარკვეული ცვლილებები. სალიდერო პოზიცია კვლავ სატრანზიტო ტვირთებს უჭირავს, რომელსაც ნავსადგურის საერთო ტვირთბრუნვის 37 %-ს უკავოა. მეორე ადგილზე იმპორტია - 36 %-ით.
2013 წლის პირველ ნახევარში Batumi Sea Port-ის გავლით გადატვირთული ტვირთების მიმღებ ქვეყნებს შორის ლიდერად კვლავ აზერბაიჯანი რჩება, რომელსაც Batumi Sea Port-ის მთლიანი ტრანზიტული ნაკადის 95% ეკუთვნის. Batumi Sea Port-ში იმპორტირებული ტვირთების უმრავლესობა მიიღება უკრაინიდან, თურქეთიდან, ძირითადად - მადნის ნაყარი ტვირთები და სამშენებლო მასალები.
2013 წლის პირველ ნახევარში Batumi Sea Port-ის მიერ დამუშავდა 348 გემი, რაც 25 ერთეულით მეტია გასული წლის ანალოგიური პერიოდის მაჩვენებელთან შედარებით.