18 ივლისს დასრულდა ევროპის რეკონსტრუქციისა და განვითარების ბანკის (EBRD) პრეზიდენტის სერ სუმა ჩაკრაბარტის (Suma Chakrabarti) ვიზიტი საქართველოში. ვიზიტის ფარგლებში (EBRD)-ის პრეზიდენტმა შეხვედრები გამართა საქართველოს-პრემიერ მინისტრთან, ბიძინა ივანიშვილთან, ფინანსთა მინისტრთან, ნოდარ ხადურთან, ეკონომიკისა და მდგრადი განვითარების მინისტრთან, გიორგი კვირიკაშვილთან, ენერგეტიკის მინისტრთან, კახა კალაძესთან.
ევროპის რეკონსტრუქციისა და განვითარების ბანკის პრეზიდენტი ასევე შეხვდა ეროვნული ბანკის პრეზიდენტს გიორგი ქადაგიძეს, საპარტნიორო ფონდის აღმასრულებელ დირექტორს ირაკლი კოვზანაძეს. „საქართველოს ბანკის" გენერალურ დირექტორთან, ირაკლი გილაურთან ერთად სერ სუმა ჩაკრაბარტიმ EBRD-ისა და „საქართველოს ბანკის" დაფინანსებით ენერგოეფექტურობის პროგრამის ფარგლებში გარემონტებული სკოლის შენობა მოინახულა.
საქართველოში გამართულ უმაღლესი დონის შეხვედრებზე ევროპის რეკონსტრუქციისა და განვითარების ბანკის პრეზიდენტმა კიდევ ერთხელ დაადასტურა ბანკის მხარდაჭერა საქართველოსადმი და აღნიშნა, რომ EBRD-ი გააგრძელებს ქვეყნისთვის პრიორიტეტული პროექტების მხარდაჭერას.
სტუმარი და დელეგაციის წევრები თბილისიდან საქართველოს ფინანსთა მინისტრმა ნოდარ ხადურმა გააცილა.
