ბათუმის ტექნოლოგიური უნივერსიტეტის შენობაში ბიზნესცენტრი განთავსდება. აჭარის მთავრობის გადაწყვეტილებით, შენობა იჯარის წესით გაიცემა, რაზეც სათანადო დაინტერესება უკვე არსებობს, რომლებთანაც მთავრობა მოლაპარაკებებს აწარმოებს. აჭარის მთავრობის ხელმძღვანელის არჩილ ხაბაძის განმარტებით, სპეციალისტების შეფასებით შენობა უნივერსისტეტისთვის შეუსაბამოა. მისივე ინფორმაციით, შენობაში ბათუმის მერიისა და საკრებულოს გათავსების იდეა აღარ განიხილება. შენობა ამ დროისათვი, შპს „ბათუმი ტაუერის" ბანნსზეა, რომლის დამფუძნებელიც საქართველოს ეკონომიკისა და მდგრადი განვითარების სამინისტროა. უკვე ცნობილია, რომ შენობის ფუნქციური დატვირთვის შესახებ გადაწყვეტილებას ადგილობრივი მთავრობა გიორგი კვირიკაშვილის უწყებასთან ერთად მიიღებს.
შენობის ასაშენებლად 78 მლნ ლარი უკვე დახარჯულია და მშენებლობის დასასრულებლად მშენებელ კომპანიას 6 მილიონიანი ვალდებულება აქვს, თუმცა, როგორც რეგიონის პირველი პირი აცხადებს მშენებლობის სრული დასრულებისთვის დამატებით კიდევ 6 მლნ ლარი გახდება საჭირო, რომელიც მოიჯარე ინვესტორის ვალდებულებად განისაზღვროს, ან აჭარის მთავრობამ გამოყოს.
