21 ივლისს, 17:00 საათზე განახლებულ კლუბ "ქალაქურში" ბარმენთა ასოციაციის ინიციატივით პირველად საქართველოში ჩატარდება კონკურსი „Georgian cocktail championship", სადაც ნაციონალური ალკოჰოლური სასმელების გამოყენებით შეიქმნება და გამოვლინდება გამარჯვებული კოქტეილები.
ჩემპიონატის ორგანიზატორთა განმარტებით, შემდგომში ღონისძიება ყოველწლიური ნაციონალური კონკურსის სახეს მიიღებს.
უკვე ცნობილია, რომ ღონისძიებაში მონაწილეობას მიიღებს 25-მდე ბარმენი, ხოლო საპატიო ჟიურის სტატუსით წარმოდგენილი იქნება საერთაშორისო ბარმენთა ასოციაციის ვიცე პრეზიდენტი ევროპაში, რონ ბუსმანი და სომხეთის ბარმენთა ასოციაციის პრეზიდენტი, ტიგრან ავეტისიანი.
გამარჯვებული კოქტეილები შევა არსებული ქართული კოქტეილების სიაში და დაინერგება მისი მოხმარება ქართულ კაფე-ბარებში.
