ჟურნალმა Forbes-მა უკრაინის საკანონმდებლო ორგანოს ყველაზე მდიდარი რეპუტატების ოცეული გამოაქვეყნა. რეიტინგის მიხედვით ირკვევა, რომ უმაღლეს რადას მდიდარ დეპუტატთა 80 %-ი მართველი პარტიის წევრია. გამოცემის ინფორმაციით, რადაში ყველაზე მდიდარი კორპორაცია Roshen-ს დამფუძნებელი პიოტრ პოროშენკოა, რომლის ქონებაც 1,6 მლრდ დოლარადაა შეფასებული. უნდა აღინიშნოს, რომ ერთი წლის განმავლობაში პოროშენკოს ქონება საგრძნობლად გაიზარდა, რაც გაყიდვების ზრდასა და უკრაინაში EBITDA Roshen-ის საქმიანიობის გააქტიურებას უკავშირდება.
რეიტინგში მეორე პოზიციაზეა კონსტანტინე ჟევაგო, რომლის ქონებაც 1,5 მლრდ დოლარად ფასდება. მდიდარ დეპუტატთა რეიტინგში მესამე პოზიციაზეა უკრაინის ყოფილი ვიცე-პრემიერი სერგეი ტიგიპკო, რომლის ქონებაც Forbes-მა 1,2 მლრდ დოლარად შეაფასა. სერგეი ტიგიპკო, რომელიც წლების განმავლობაში საქართველო-უკრაინის ეკონომიკური თანამშრომლობის კომისიას ხელმძღვანელობდა, ქვეყანაში ბიზნესს რამდენიმე სექტორში ფლობს. თუმც სერგეი ტიგიპკო უკრაინაში უმთავრესად მანქანათმშენებლობისა და ფინანსური ბიზნესითაა დაკავებული. სერგეი ტიგიპკოს მსგავსად „რეგიონების პარტიიდან" რეიტინგში ლიდერ პოზიციაზე და შესაბამისად მე-4 ადგილზე მოხვდა ვლადიმერ ბოიკო, რომლის ქონებაც 520 მლნ დოლარია. ყველაზე მდიდარი დეპუტატებიდან „ყველაზე ღარიბად" ითვლება სერგეი ბურიაკი, რომლის ქონებაც მხოლოდ და მხოლოდ 150 მლნ დოლარს შეადგენს.
