"აზიის განვითარების ბანკის ტექნიკური ხელშეწყობის ფარგლებში საქართველოს ეროვნული ბანკი შეძლებს ბაზელი II-ის რისკებზე დაფუძნებული მარეგულირებელი სტანდარტის შემოღებას და რომ აღნიშნული დახმარება ეკონომიკური აქტივობისა და დასაქმების დონის ზრდას და ასევე ბაზელის საბანკო სტანდარტების შემოღებას და ფასიანი ქაღალდების ბაზრის ზედამხედველობის (IOSCO principles) მსოფლიოში გავრცელებული პრაქტიკის შემოღებას შეუწყობს ხელს, რაც საბანკო სექტორის სტაბილურობის, განჭვირვალობისა და მართებული მუშაობის საფუძველია."- აღნიშნა აზიის განვითარების ბანკის მუდმივმა წარმომადგენელმა საქართველოში ქეითი ჯულიანმა.

სემინარს, რომელიც ერთი კვირის მანძილზე იმუშავებს, 25 ფინანსური მარეგულირებელი ესწრება ავღანეთის, ყაზახეთის, ყურგიზეთის, პაკისტანის, ტაჯიკეთის, თურქმენეთის, უზბეკეთისა და საქართველოს ცენტრალური ბანკებიდან, ფინანსთა სამინისტროებიდან და ფასიანი ქაღალდების მარეგულირებელი სააგენტოებიდან.

სემინარს უძღვებიან საბანკო საქმის ექსპერტები პაკისტანიდან და ავსტრალიიდან, რომლებიც წარმოადგენენ საერთაშორისო სტანდარტების დანერგვის საუკეთესო მაგალითებს.

აზიის განვითარების ბანკი, რომლის სათავო ოფისი მანილაში, ფილიპინებზე მდებარეობს, მიზნად ისახავს აზიასა და წყნარი ოკეანის რეგიონში სიღარიბის დონის შემცირებას ეკონომიკური ზრდის, გარემოსდაცვითი ღონისძიებების და რეგიონული ინტეგრაციის მეშვეობით. დაარსდა რა 1966 წელს, ბანკი აერთიანებს 67 წევრ ქვეყანას. 2012 წელს აზიის განვითარების ბანკის მიერ დამტკიცებული სესხების ოდენობამ, თანადაფინანსების ჩათვლით, 21.6 მილიარდი აშშ დოლარი შეადგინა.