საპრეზიდენტო არჩევნებისა და კამპანიისათვის სამზადისი, განათლების მინისტრობის კანდიდატურა და სამარლამენტო ოპოზიციასთან ურთიერთობის ფორმები - ეს საკითხები განიხილებოდა დღეს ურეკის კულტურის სახლში ბიძინა ივანიშვილისა და მმართველი საპარლამენტო უმრავლესობის წარმომადგენლების შეხვედრაზე.
შეხვედრის შემდეგ ცნობილი გახდა, რომ „ქართული ოცნება" აქტიურ საპრეზიდეტო კამპანიას მომავალი კვირიდან დაიწყებს. გიორგი მარგველაშვილი დატოვებს თანამდებობას და კამპანიაში ჩართვება.
„საპრეზიდენტო არჩევნევი გვაქვს კარზე მომდგარი და ვისაუბრეთ საპრეზიდენტო არჩევნებთან დაკავშირებით. უნდა მოვახერხოთ და მოვახერხებთ კიდეც მთავრობა, რომ აუცილებლად ყველა მონაწილეს ექნება თანაბარი პირობები და უნდა შევქმნათ პრეცედენტი იმისა, რომ სახელისუფლებო რესურსი არც ერთ შემთხვევაში და ეჭვიც არ დარჩება იმისა, რომ გამოყენებულია რომელიმე კანდიდატის დასახმარებლად. კულტურული კამპანია იქნება, აგრესიის გარეშე კამპანია უნდა იყოს. პოზიტივი ძირითადად", - განაცხადა საქართველოს პრემიერ მინისტრმა ბიძინა ივანიშვილმა შეხვედრის დასრულების შემდეგ.
