დღეს, საქართველოს შრომის, ჯანმრთელობისა და სოციალური დაცვის მინისტრის მოადგილე მარიამ ჯაში, აჭარის ჯანმრთელობისა და სოციალური დაცვის მინისტრი ნუგზარ სურმანიძე და მინისტრის პირველი მოადგილე რომან ბოლქვაძე ქედის მუნიციპალიტეტის პირველადი ჯანდაცვის ცენტრებს მინახულებენ და ხულოს მუნიციპალიტეტის რაიონული საავადმყოფოს სამედიცინო პერსონალს შეხვდებიან.
საქართველოს ჯანდაცვის მინისტრის მოადგილე მედიკოსებს ინფორმაციას საყოველთაო ჯანდაცვის პროგრამის მე-2 ეტაპის შესახებ მიაწვდის. მაღალმთიან აჭარაში გამგზავრებამდე მარიამ ჯაში აჭარის ჯანდაცვის მინისტრს და მინისტრის მოადგილეებს შეხვდა.
საყოველთაო ჯანდაცვის პროგრამის მე-2 ეტაპის შესახებ საინფორმაციო შეხვედრა ხვალ, ბათუმის რესპუბლიკური საავადმყოფოს საკონფერენციო დარბაზშიც გაიმართება. შეხვედრას დაესწრებიან: საქართველოს ჯანდაცვის მინისტრის მოადგილე მარიამ ჯაში, აჭარის ჯანდაცვის მინისტრი ნუგზარ სურმანიძე, სოციალური მომსახურების სააგენტოს უფროსი ნოე ქინქლაძე, საყოველთაო ჯანდაცვის მართვის დეპარტამენტის უფროსი რუსუდან გოგოლაშვილი.
