„ორბი ჯგუფი" ხარისხის ლიდერის საერთაშორისო ვარსკვლავის მფლობელი გახდა. ISLQ ( International Star for Leadership in Quality)- ხარისხის ლიდერის საერთაშორისო ვარსკვლავის - დაჯილდოების ცერემონია პარიზში სასტუმრო „ჰაიატ რეჯენსი პარი ეტუალში" გაიმართა.
საერთაშორისო ფორუმზე მსოფლიოს 74 ქვეყნის საქმიანი წრეებისა და დიპლომატიური კორპუსის ეკონომიკის და ხელოვნების, წარმომადგენლები შეიკრიბნენ.
ISLQ ( International Star for Leadership in Quality)-ის დაჯილდოების ცერემონია საერთაშორისო ორგანიზაცია B.I.D.-ის ეგიდით წელს მეჩვიდმეტედ გაიმართა. დაჯილდოება სამ - ოქროს, პლატინისა და ბრილიანტის კატეგორიაში მოხდა.
ლიდერი ბიზნესის წარმოებაში, ბიზნესის ხარისხი და რეზულტატი, მარკის პრესტიჟი, ტექნოლოგიები, ინოვაციები და ბიზნესის გაფართოება - ეს ის კრიტერიუმებია, რომელთა საფუძველზეც ხდება ხარისხის საერთაშორისო ვარსკვლავის მინიჭება. "ორბი ჯგუფი" წელს ერთადერთი კომპანიაა საქართველოდან, რომელმაც ყველა კრიტერიუმი წარმატებით დააკმაყოფილა და საერთაშორისო აღიარება მოიპოვა. „ორბი ჯგუფი" ISLQ-2013-ის გამარჯვებული ოქროს კატეგორიაში გახდა. ჯილდო საზეიმო ცერემონიაზე „ორბი ჯგუფის" გენერალურ დირექტორს ირაკლი კვერღელიძესა და პიარისა და მარკეტინგის სამსახურის უფროსს ნინო ჩიტაიშვილს B.I.D.-ის დამფუძნებელმა ხოსე პრიეტომ გადასცა.
B.I.D.- Business Initiative Directions, შტაბ-ბინა ესპანეთში, მადრიდში მდებარეობს, ის მსოფლიოს 178 ქვეყანაში მოღვაწეობს. B.I.D -ის საქმიანობის მთავარი მიმართულება ხარისხის კულტურის პროპაგანდაა და დღეისთვის მსოფლიოში ამ კუთხით მომუშავე 4 წამყვან საერთაშორისო ორგანიზაციათა შორისაა.
B.I.D.- აქტიურად თანამშრომლობს საერთაშორისო ექსპერტებთან, რომელთა შორის არიან ინჟინრები, ფიზიკოსები, მათემატიკოსები, დიზაინერები, არქიტექტორები, სოციოლოგები და ჟურნალისტები. ორგანიზაციის სპეციალური კომიტეტი მსოფლიოს სხვადასხვა ქვეყანაში ყოველწლიურად არჩევს ყველაზე წარმატებულ კომპანიებს, რომლებიც ინვესტიციებს დებენ ახალ ტექნოლოგიებში, პერსონალის კვალიფიკაციის ამაღლებაში, მათი პროდუქცია კი ხარისხით გამოირჩევა. შერჩევისას ისინი ეყრდნობიან მედია საშუალებების, კომერციული პალატების, საელჩოების, საგამოფენო ცენტრების მიერ გავრცელებულ ინფორმაციებს. B.I.D.- ის საორგანიზაციო კომიტეტი მუშაობისას იყენებს იმავე ტექნოლოგიას, რომლითაც ხდება ნობელის პრემიის კანდიდატების შერჩევა.
ხარისხის ლიდერის საერთაშორისო ვარსკვლავის მფლობელი კომპანიები ავტომატურად ხდებიან პარტნიორთა გლობალური კლუბის წევრები. ამით მათ საშუალება ეძლევათ მთელ მსოფლიოს გააცნონ ის წარმატებები, რასაც თავიანთ ქვეყანაში მიღწიეს.
ISLQ - International Star for Leadership in Quality- ხარისხის ლიდერის საერთაშორისო ვარსკვლავის-მფლობელები გასულ წლებში გახდნენ TURNER CONSTRUCTION INTERNATIONA -კომპანია, რომელმაც დუბაიში მსოფლიოს ყველაზე დიდი ცათამბჯენი ააგო, რუსული "РАО ЭЕС", ინდური კომპანია TATA GROUP , მაღაზიების ქსელი WALL_MART, COOPARAISO - მსოფლიოში ყავის ნომერ პირველი მწარმოებელი ბრაზილიური კომპანია და ა.შ.