დეპუტატ გიორგი ვაშაძის სახლი დაყადაღებულია, ეს გადაწყვეტილება სასამართლომ ჯოზეფ ქეის მოთხოვნის შემდეგ მიიღო. ქეი აცხადებს, რომ მას შეურაცხყოფა მიაყენეს, როდესაც გიორგი ვაშაძემ მას საერთაშორისო თაღლითი უწოდა და სასამართლომ გადაწყვეტილება სწორედ ამ განცხადების საფუძველზე მიიღო.
სახლის დაყადაღების შესახებ ინფორმაცია უმცირესობის წევრმა სერგო რატიანმა გააჟღერა.
"ეს არის სრული აბსურდის თეატრი, ოპოზიციის დევნა უკვე ყოველგვარ მასშტაბებს გასცდა. ის, რსაც აკეთებს საქართველოს ხელისუფლება, პროკურატურა და შემდეგ ამაში უკვე ერთვება სასამართლო ეს არის უკვე ზღვარსგადასული". - განაცხადა სერგო რატიანმა.