სს „ლიბერთი ბანკი" იუსტიციის სახლში მის საკუთრებაში არსებულ ფართთან დაკავშირებით განმარტებას აკეთებს. როგორც „ჯი-ეიჩ-ენს" ბანკიდან აცნობეს, სს „ლიბერთი ბანკმა" აღნიშნული ფართი 1.2 მილიონ ლარად შეიძინა.
„ლიბერთი ბანკმა" 2012 წლის 28 მარტს საქართველოს ეკონომიკისა და მდგრადი განვითარების სამინისტროსთან გაფორმებული ხელშეკრულების თანხმად სანაპიროს ქუჩა #2-ში მდებარე იუსტიციის სახლში 156.53 კვადრატული მეტრი მოცულობის ფართი 1.2 მილიონ ლარად შეიძინა. ამ ხელშეკრულების თანახმად „ლიბერთი ბანკმა" სამოქალაქო რეესტრის ანგარიშზე გადარიცხა 1.2 მილიონ ლარი იუსტიციის სახლში ფართის შესაძენად", - ნათქვამია ბანკის განცხადებაში.
