ბელგრადში, საქართველოს საგანგებო და სრულუფლებიანმა ელჩმა დავით ბაქრაძემ და სერბეთის რესპუბლიკის ფინანსთა და ეკონომიკის სამინისტროს სახელმწიფო მდივანმა დორან პეტკოვიჩმა ხელი მოეწერეს საქართველოსა და სერბეთის რესპუბლიკას შორის ტურიზმის სფეროში თანამშრომლობის შესახებ ხელშეკრულებას. ხელმოწერის შემდეგ ელჩსა და დორან პეტკოვიჩს შორის გაიმართა ორმხრივი შეხვედრა, რომლის დროსაც განხილულ იქნა სერბეთსა და საქართველოს შორის ეკომნომიკის და ტურიზმის სექტორში თანამშრომლობის პერსპექტივები და პრიორიტეტული მიმართულებები.
აგრეთვე, გაიმართა ელჩის დავით ბაქრაძის შეხვედრა სერბეთის პარლამენტის თავმჯდომარის მოადგილესთან ნენად პოპოვიჩთან. შეხვედრაზე განხილულ იქნა ორმხრივი ეკონომიკური განვითარებისა და საპარლამენტაშორისო თანამშრომლობის პერსპექტივები. შეხვედრისას დავით ბაქრაძემ ყურადღება გაამახვილა საქართველოში არსებულ მიმზიდველ საინვესტიციო გარემოზე და უკანასკნელ პერიოდში განხორციელებულ ეკონომიკურ რეფორმებზე.
დავით ბაქრაძემ სერბეთის პარლამენტის ვიცე სპიკერს მადლობა გადაუხადა საქართველოს ტერიტორიული მთლიანობის მხარდაჭერისათვის.
