,,ეკონომიკური მაჩვენებლის 6% მატება არარეალისტურია", - განაცხადა ჟურნალისტებთან მთავრობის სხდომის დასრულების შემდეგ ეკონომიკისა და მდგრადი განვითარების მინისტრმა გიორგი კვირიკაშვილმა.
მისივე განმარტებით, იმისთვის, რომ ეკონომიკური ზრდის მაჩვენებელი გაიზარდოს აუცილებელია მოიხსნას ის უარყოფითი პიარი, რომელიც მსოფლიოს მასშტაბით მიმდინარეობს.
,,ჩემი აზრით, ეკონომიკური მაჩვენებლის 6%-იანი მატება, ალბათ. არარეალისტურია. ვფიქრობთ, 4,5 -5 % მატების მიღწევას. ამისთვის ბევრი წინაპირობაა საჭირო, მათ შორის, უარყოფითი პიარი, რომელიც მთელი მსოფლიოს მასშტაბით ვრცელდება უნდა შეწყდეს. ჩვენ ყოველდღიურად ვმუშაობთ იმ ფაქტორების მოხსნაზე, რომელიც ეკონომიკური ზრდის მაჩვენებლისთვის შემაფერხებელია. ჩვენ ყველაფერს ვაკეთებთ, რომ ამ მიმართულებით მთავრობის ეფექტიანობა გაიზარდოს, როგორიცაა დღგ დაბრუნების საკითხი, შესრულებული სამუშაოს ანაზღაურების საკითხი, რომელიც ამ დრომდე, სამწუხაროდ, დროზე ვერ ხერხდება, მაგრამ ამას კონკრეტული მიზეზები აქვს, რომელიც მოსახსნელია", _განაცხადა ჟურნალისტებთან კვირიკაშვილმა.
