დღეიდან წეროვანში მცხოვრები დევნილი მოსახლეობის განცხადებების მიღება და პრობლემების განხილვა ადგილზე დაიწყება. წეროვანში მცხოვრებ დევნილებს აღარ მოუწევთ წეროვნიდან რუსთავში ჩასვლა. აღნიშნული გადაწყვეტილება დევნილთა სამინისტროს ეკუთვნის. კვირაში ერთხელ ყოველ სამშაბათ დღეს სამინისტროს წარმომადგენლები დევნილებს წეროვანში, გამგეობის შენობაში მიიღებენ და საჭიროებებს ადგილოზე განიხილავენ. დევნლთა სამინისტროს აღნიშნული ინიციატივა დღეს დევნილებს მინისტრის მოადგილე მამუკა ცოტნიაშვილმა გააცნო.
როგორც დევნილები აცხადებენ, მათთვის აღნიშნული ინიციატივა საკმაოდ მომგებიანია, რადგან ეელემენტარული პრობლემისთვის წეროვნიდან რუსთავში არ მოუწეთ სარული. მოგეხსენებათ, რომ წეროვანი დევნილთა სამინისტროს რუსთავის სამმართველოს ექვემდებარება. იაშა დათუაშვილი, დევნილი: „ჩვენთვის ძალიან კარგია, თუ სამინისტროს წარმომადგენლები ადგილზე მოგვიგვარებენ პრობლემებს. აღარ მოგვიწევს წეროვნიდან თბილისში ან რუსთავში ჩასვლა და მგზავრობის თანხის გადახდა. როგორც სამინისტროს წარმომადგენლებმა აგვიხსნეს, ადგილზე მოგვემსახურებიან".