საყოველთაო აღწერის ფარგლებში, აღწერის პირველი ეტაპი დაიწყო. 440-კაციანი სათანადოდ მომზადებული პერსონალი 2 კვირის განმავლობაში შეადგენენ შენობებისა და ოჯახების სიებს აჭარა-გურიაში.
სამუშაოები რეგიონების მიხედვით ჩატარდება:
2013 წლის 1-14 ივლისი - აჭარა, გურია
2013 წლის 16 - 30 ივლისი - კახეთი
2013 წლის ნოემბრის თვიდან ოჯახების წინასწარი სიების შედგენა გაგრძელდება საქართველოს სხვა რეგიონებში.
აღნიშნულ სამუშაოებში დასაქმებულთა რაოდენობა მიაღწევს დაახლოებით 4 ათას ადამიანს. მოსამზადებელი სამუშაოების დასრულების შემდეგ, 2014 წლის 5-19 ნოემბერს ჩატარდება საველე სამუშაოების მეორე, უმნიშვნელოვანესი ეტაპი - მოსახლეობის აღწერა. ამ მიზნისათვის შეირჩევა დაახლოებით 15 ათასამდე პერსონალი, რომლებიც სპეციალური კითხვარების მეშვეობით ინდივიდუალურად გამოკითხავენ მოსახლეობას.
2013 წლის 2 აპრილს, საქართველოს მოსახლეობის აღწერის საკოორდინაციო სამთავრობო კომისიის პირველ სხდომაზე დაამტკიცა საქართველოს მოსახლეობის 2014 წლის საყოველთაო აღწერის პროგრამა და სამოქმედო გეგმა. კომისიის გადაწყვეტილებით მოსახლეობის აღწერა უნდა ჩატარდეს 2014 წლის 5-19 ნოემბერს. მოსახლეობის საყოველთაო აღწერის პროცესის განხორციელებაზე პასუხისმგებელია საქსტატი.