დღეს დილით ფინანსთა სამინისტროს საგამოძიებო სამსახურმა თბილისის მერიის თანამშრომლები და საკრებულოს უმრავლესობის წევრები ქუჩაში იძულების გამოყენებით, ხელბორკილების დადებით დააკავეს. გამომძიებლებმა საგამოძიებო სამსხურში მიყვანისას დაიწყეს მათ მიმართ ბრალის წარდგენისა და დაკავების ოფიცალურად გაფორმების პროცედურა. თუმცა გაურკევევლი მიზეზების გამო, მათ ეს პროცედურა შეწყვიტეს და მოხდა დაკავებული პირების ფორმალურად დაკითხვა, იმისათვის, რომ მათი საგამოძიებო ორგანოში ყოფნის ფაქტი გაემართლებინათ. ზოგიერთი მათგანი დაკითხვის გარეშე იქნა უკანონოდ დაკავებული. აღნიშნული წარმოადგენს, მათთვის თავისუფლების უკანონოდ აღკვეთას, რაც სისხლის სამართლის კოდექსით დასჯადი ქმედებაა. მნიშვნელოვანია, რომ დაკავებისას მათ არ განუმარტეს მათი უფლება-მოვალეობები და არ მიეცათ ადვოკატით სარგებლობის უფლება. ამით უხეშად დაირღვა საქართველოს კონსტიტუციითა და საერთაშორისო კონვენციებით განმტკიცებული ადამიანის უფლებები.
აღნიშნულ საკითხთან დაკავშირებით, დღეს თბილისის მერი გიგი უგულავა, საკრებულოს წევრები და მერიის ყველა ის თანამშრომელი, რომელიც დღეს ფინანსთა სამინისტროს საგამოძიებიო სამსახურის მიერ იყო დაკავებული, არასამთავრობო ორგანიზაციების წარმომადგენლებს შეხვდნენ. შეხვედრაზე არასამთავრობო ორგანიზაციების წარმომადგენლები დილით ფინანსთა სამინისტროს საგამოძიებიო სამსახურის მიერ განხორციელებული ქმედებების დეტალებს უშუალოდ დაკავებული პირებისგან გაეცნენ.
