პარლამენტში ჰაინრიჰ ბიოლის ფონდის სამხრეთ კავკასიის რეგიონალური ბიუროს პროექტის - „მწვანე მეხსიერება" პრეზენტაცია გაიმართა. შეხვედრაზე მომხსენებლებმა დამსწრე საზოგადოებას გააცნეს მწვანეთა პოლიტიკური და საზოგადოებრივი მოძრაობის ისტორიის კვლევის შედეგები.
მკვლევარებმა შეისწავლეს მწვანეთა მოძრაობის და მწვანეთა პარტიის ოფისებში განთავსებული არქივები და შექმნეს მწვანეთა მოძრაობის ელექტრონული არქივი, რომელიც მოიცავს მწვანეთა საქმიანობის 1989-2003 პერიოდს.
როგორც პროექტის ავტორები აცხადებენ, პროექტის მიზანია, დამოუკიდებელ საქართველოში პარტიული სისტემის ჩამოყალიბების პროცესების მიმართ საზოგადოების ინტერესის გაზრდა, რომლის დროსაც ყურადღება გამახვილდება საქართველოში მწვანეთა მოძრაობის ისტორიული განვითარების გზაზე.
მასალის გამოყენების პირობები