„Best Drink"-ის ორგანიზატორების ინფორმაციით, წარმოდგენილი იყო „ასკანელი ძმების" 2 სახეობის კონიაკი - „არაგველი XO 9" და „არაგველი 5". ორივე ამ სასმელმა უმაღლესი შეფასება და პირველი ადგილი დაიმსახურა. კონიაკი „არაგველი XO 9" შეაფასეს როგორც შეუდარებელი და „პრემიუმ კლასის საუკეთესო კონიაკი"-ს სტატუსი მიანიჭეს; კონიაკმა „არაგველი 5" კი 2 ნომინაციაში გაიმარჯვა - „საუკეთესო ქართული კონიაკი" და „კონიაკის საუკეთესო ნაზავი".

კონკურსზე „ასკანელი ძმების" კონიაკებთან ერთად, კომპანიის ღვინოებიც დაჯილდოვდნენ - ღვინო „ქინძმარაულმა", სამარკო ნიშნით „გოჩა", მიიღო პირველი ადგილი ნომინაციაში „საუკეთესო ქართული ღვინო"; ხოლო „ხვანჭკარა" დაჯილდოვდა როგორც „საუკეთესო ქართული ღვინო. ხარისხის ეტალონი".

კონკურსზე სასმელებს, ამ დარგში პროფესიონალი დეგუსტატორები, სომელიები, ტექნოლოგები, გოსპოტრებნადზორის და ჯანდაცვის სპეციალისტები აფასებდნენ. დეგუსტაცია ბრმა შერჩევით ჩატარდა. დეგუსტატორები სასმელებს ფერის, არომატისა და გემოს მიხედვით 100-ბალიანი სისტემით აფასებდნენ. კონკურსში მონაწილეობის მისაღებად სასმელები მკაცრი კრიტერიუმებით შეირჩა. მონაწილე კომპანიებმა, უკრაინის ჯანდაცვის სამინისტროსა და სურსათის უვნებლობის ცენტრის მიერ დაწესებული მოთხოვნები დააკმაყოფილეს.

„ასეთი დონის ჯილდოები, კომპანიისთვის ძალზედ მნიშვნელოვანია, ნომინირებულმა სასმელებმა მკაცრი კონტროლი გაიარეს და უმაღლესი შეფასება მიიღეს. ქვეყნის გარეთ აქამდეც ბევრი აღიარება და ჯილდო გვაქვს მიღებული, თუმცა ყოველი ახალი შეფასება, კიდევ ერთი წინ გადადგმული ნაბიჯია. „ასკენელი ძმების" პროდუქცია, ჩვენი გვარის სახელს ატარებს, რაც ძალიან დიდ პასუხისმგებლობას გვაკისრებს, მუდმივად ვიზრუნოთ პროდუქციის მაღალ ხარისხზე" - განაცახადა „ასკანელი ძმების" დამფუძნებელმა ჯიმშერ ჩხაიძე ასკანელმა.

კონკურსი „Best Drink" უკრაინაში ყოველწლიურად ტარდება და ქვეყნის სამომხმარებლო ბაზრის ხარისხიანი პროდუქციით გაჯერებას ემსახურება.

„ასკანელი ძმები" უკრაინის ბაზარზე 2011 წლიდანაა წარმოდგენილი, კომპანია უკრაინის ბაზარზე ექსპორტირებული პროდუქციის რაოდენობას ყოველწლიურად ზრდის, რასაც სასმელზე მაღალი მოთხოვნა განაპირობებს.

კომპანია „ასკანელი ძმები" 15 წლის წინ დაარსდა და სადღეისოდ ერთ-ერთი წამყვანი კომპანიაა ქართულ ალკოჰოლის მწარმოებელ კომპანიებს შორის. კომპანია აწარმოებს 8 სახეობის კონიაკს, 32 დასახელების ღვინოს, 4 დასახელების ჭაჭას. „ასკანელი ძმების პროდუქცია" აღიარებულია საუკეთესოდ და მინიჭებული აქვს 100-ზე მეტი ჯილდო, სხვადასხვა გამოფენებსა და დეგუსტაციებზე. „ასკანელი ძმების" მიერ წარმოებული სასმელები გადის ექსპორტზე აშშ-ში, უკრაინაში, ჩინეთში, გერმანიაში, დიდ ბრიტანეთში, ესტონეთში, ლიტვაში, ლატვიაში, პოლონეთში, ჩეხეთში, ყაზახეთში, ფინეთში, აზერბაიჯანში და ბელორუსიაში. ახლახანს კომპანიას „ხარისხის ნიშანი" მიენიჭა.