კობა დავითაშვილი მოითხოვს, რომ ვანო მერაბიშვილს შვიდ ნოემბერთან დაკავშირებითაც წარედგინოს ბრალი. ამის შესახებ ჟურნალისტებთან კოალიცია ,,ქართული ოცნების" დეპუტატმა კობა დავითაშვილმა ვანო მერაბიშვილისთვის ბრალის დამძიმების კომენტირებისას განაცხადა.
,, არც ევროპაში და არც მთელს მსოფლიოში ეს რაიმე შეკითხვებს არ დაბადებს, რადგან თვითონ ევროპის სასამართლოს გადაწყვეტილებაა, პრაქტიკულად, პროკურატურის მიერ განხორციელებული, რომელმაც მერაბიშვილის ბრალი წაუყენა. თუმცა ბევრი ეპიზოდი ჯერ კიდევ წარდგენილი არ არის და და კვლავ ვსვამ შეკითხვას, რატომ არ არის წაყენებული ბრალი 7 ნოემბრის მანიფესტაციის დარბევის გამო, კონკრეტულად რეზინის ტყვიების გამოყენების გამო, რომელიც პოლიციის მაშინდელი კანონით დაშვებული არ იყო", _ განაცხადა დავითაშვილმა.
შეგახსენებთ, რომ ,,ნაციონალური მოძრაობის" გენერალურ მდივანს ვანო მერაბიშვილს სანდრო გირგვლიანის საქმესთან დაკავშირებით ბრალი დაუმძიმეს, თუმცა მერაბიშვილი წაყენებულ ბრალს უსაფუძვლოს უწოდებს.