ფინანსთა მინისტრი ნოდარ ხადური საქართველოში ათასწლეულის გამოწვევის კორპორაციის (MCC) მეორე კომპაქტის წარდგენას დაესწრო. როგორც ცნობილია, MCC-მ საქართველოს 140 მლნ დოლარის გრანტი დაუმტკიცა. თანხა საქართველოში მეცნიერებისა და ტექნოლოგიის დარგში განვითარებას მოხმარდება. მეორე კომპაქტი, რომელსაც ხელი ოფიციალურად სავარაუდოდ ზაფხულში მოეწერება სამი პროექტისგან შედგება. ეს პროექტებია „ზოგადი განათლების ხარისხის გაუმჯობესების პროექტი", „სამრეწველო უნარ-ჩვევების და სამუშაო ძალის განვითარების პროექტი" და „STEM-ის უმაღლესი განათლების პროექტი".
შეგახსენებთ, რომ MCC-ის პირველი ხუთწლიანი პროექტის ბიუჯეტი 395.3 მლნ დოლარი იყო და ის 2011 წელს დასრულდა. მაშინ პროექტი ქვეყანაში ძირითადად ინფრასტრუქტურული და სოფლის მეურნეობის პროექტების განხორციელებას მოხმარდა.
