სოფლის მეურნეობის წახალისებისათვის მთავრობას „საგადასახადო კოდექსში" მორიგი ცვლილება შეაქვს. როგორც დღეს ფინანსთა მინისტრმა ნოდარ ხადურმა განაცხადა, თუ აქამდე სოფლის მეურნეობის პროდუქციის პირველადი მიწოდება განთავისუფლებული იყო დღგ-სგან, ჩათვლის უფლების გარეშე, ამიერიდან მათ უკვე ჩათვლის უფლებაც ექნებათ.
„ეს გვაძლევს იმის შესაძლებლობას, რომ თუ აქამდე ადგილობრივი წარმოება საგადასახადო თვალსაზრისით უფრო ცუდ დღეში იყო ვიდრე იმპორტირებული პროდუქცია, ჩვენ ამას მინიმუმ გავათანაბრებთ საგადასახადო თვალსაზრისით"- განაცხადა ნოდარ ხადურმა.
