აჭარის პოპულარიზაციისა და ტურისტთა მომსახურების ხარისხის ასამაღლებლად აჭარის ტურიზმისა და კურორტების დეპარტამენტი კიდევ ერთ საინტერესო პროექტს უწევს ორგანიზებას. პროექტი ითვალისწინებს მობილური კავშირის სისტემაში (iOS და Android OS ) აჭარა-ბათუმის მობილური გზამკვლევის „Batumi Travel Places" შექმნას. პროექტს ტურიზმის დეპარტამენტის დახმარებით ახორციელებს უკრაინული კომპანია „Ideas World".
სულ მალე ბათუმში ჩამოსულ ტურისტებს საშუალება მიეცამათ დამოუკიდებლად მოიპოვონ ინფორმაცია ღირშესანიშნაობების განლაგებისა და ისტორიის შესახებ, ასევე შეადგინონ მათთვის სასურველი მარშრუტი როგორც მანქანით, ისე საჯარო ტრანსპორტითა და ფეხით გადაადგილებისათვის. აღსანიშნავია, რომ მობილური აპლიკაციით სარგებლობა უფასოა.
