პარლამენტის მომავალი წლის ბიუჯეტის პროექტის ძირითადი პარამეტრები დღეს კომიტეტის წევრებს კომიტეტის თავმჯდომარემ დავით ონოფრიშვილმა გააცნო. წარმოდგენილი პროექტით, 2014 წელს პარლამენტის ბიუჯეტი 52 მლნ. 91 ათას ლარი იქნება, რაც 2 მლნ. ლარით ნაკლებია მიმდინარე წლის ბიუჯეტზე.
კომიტეტმა ასევე იმსჯელა სახელმწიფო აუდიტის სამსახურის მომავალი წლის ბიუჯეტის პროექტის თაობაზე. აღნიშნული სამსახური 2014 წლის ბიუჯეტის 3,5 მლნ.ლარით გაზრდას ითხოვს. საბოლოოდ კომიტეტმა სახელმწიფო აუდიტის სამსახურის ბიუჯეტის 3 მლნ.ლარით გაზრდას დაუჭირა მხარი.
პარლამენტის 2014 წლის საბიუჯეტო განაცხადი პარლამენტის ბიუროს დღესვე წარედგინება, პარლამენტის რეგლამენტის თანახმად კი 15 ივნისამდე - საქართველოს მთავრობას.
