საქართველოს ფინანსთა მინისტრი ნოდარ ხადური ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტზე, თსუ საბავშვო უნივერსიტეტის ფარგლებში მოქმედი „ნორჩი ეკონომისტის" სკოლის საზეიმო გამოშვებას დაესწრო.
სკოლის მოსწავლეებმა შეაჯამეს განვლილი სასწავლო წელი და თითოეულ ლექტორს, მათ შორის, ივ.ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის სრულ პროფესორს, საქართველოს ფინანსთა მინისტრს ნოდარ ხადურს, მადლობა გადაუხადეს საინტერესო ლექციებისთვის.
საზეიმო შეხვედრაზე დიპლომებითა და ფასიანი საჩუქრებით დაჯილდოვდნენ მოსწავლეთა კონფერენციაში გამარჯვებულები, რომლებმაც საუკეთესო თემები და პრეზენტაციები წარმოადგინეს. საპატიო დიპლომები და საჩუქრები გადაეცათ ასევე ფაკულტეტის პროფესორ-მასწავლებლებს. სერთიფიკატები დაურიგდათ „ნორჩ ეკონომისტთა სკოლის" წარჩინებულ და აქტიურ მსმენელებს.
