ტურიზმის ეროვნული ადმინისტრაციის ახლად დანიშნული ხელმძღვანელი გიორგი სიგუა განმარტავს, რომ საქართველოს ტურისტულ პოტენციალს აქვს დიდი პოტენციალი იმისა, რომ რუსეთის ბაზარზე მსხვილი სეგმენტი დაიკავოს.
გიორგი სიგუას განმარტებით, წლების განმავლობაში რუსეთში ანტიქართული რიტორიკა ისმოდა, რომ საქართველო იყო ჩაბნელებული, ჩაშავებული და ტერორისტებით გაძეძგილი ქვეყნაა.
„არ ვიცი, ეს ხელს ვის აძლევდა. ჩვენ რუს წამყვან ჟურნალისტებს იმიტომ ვმასპინძლობთ, რომ ამ მიმართულებით ინფორმაცია გაჯანსაღდეს. ასევე რამდენიმე დღის წინ გავაცილეთ რუსეთის 20 წამყვანი ტურ ოპერატორების წარმომადგენლები, რომლებიც გაოცებულებული დარჩნენ და აღნიშნეს, რომ რუსეთიდან 2 საათის მანძილზე ტურისტებს საქართველოს სახით სამოთხე ელოდებათ. ისინი ქართულ ღირსშესანიშნაობებს თავიანთ ტურისტულ პაკეტებში აუცილებლად შეიტანენ. ქართულ ტურისტულ პოტენციალს გააჩნია შესაძლებლობა, რომ რუსულ ბაზარზე მსხვილი სეგმენტი დაიკავოს. რუსი ჟურნალისტები დაგვეხმარებიან, რომ პოტენციურმა ტურისტებმა საქართველოს შესახებ სწორი ინფორმაცია მიიღონ"- აღნიშნა გიორგი სიგუამ.
შეგახსენებთ, რომ ტურიზმის ეროვნული ადმინისტრაციის მოწვევით საქართველოში რუსული მედიის წარმომადგენლები უკვე ხუთი დღეა იმყოფებიან. ვიზიტის ფარგლებში მათ უკვე მოინახულეს თბილისი, მცხეთა, გორი, ბორჯომი, ახალციხე და კახეთი.
