3 წლიანი სწრაფი ეკონომიკური ზრდის შემდეგ საქართველოს ეკონომიკა შენელდა, აღნიშნულის შესახებ საერთაშორისო სავალუტო ფონდის მისიის დასკვნით განცხადებაში აღნიშნული, რომელიც სსფ-მ საქართველოში ვიზიტის შემდგომ გამოაქვეყნა. ეკონომიკური ზრდის შენელებას კი სსფ ქვეყანაში განხორციელებულ პოლიტიკურ ცვლილებებს, უფრო კონკრეტულად კი პოლიტიკური ძალაუფლების გადაბარებას უკავშირებს.
„2010 - 2012 წლის პირველი ნახევარში საშუალოდ 7 პროცენტიანი ზრდის შემდეგ, ეკონომიკამ 2012 წლის მესამე კვარტალში შენელება დაიწყო. ინფლაცია მკვეთრად შემცირდა: 15-დან (მაისი, 2011)- 1.7 პროცენტამდე (აპრილი, 2013), რაშიც აისახა გაცვლითი კურსის გამყარების ეფექტი და ფასების კლება სურსათსა და ენერგო მატარებლებზე (რომელსაც მთავრობამ უზრუნველყო). იმავდროულად შენელდა ადგილობრივი მოთხოვნა"- ნათქვამია სსფ-ს განცხადებაში.