8-9 ივნისს, თბილისში, დიდი დიღმის ტერიტორიაზე გაიმართება საქართველოს ღია ჩემპიონატის მესამე ეტაპი OFF ROAD Trial-ში. ღონისძიება ტარდება საქართველოს სპორტისა და ახალგაზრდობის საქმეთა სამინისტროს, „თეგეტა მოტორსისა" და ავტორადიოს მხარდაჭერით. აღსანიშნავია რომ „თეგეტა მოტორსი" მთელი წლის მანძილზე ჩემპიონატის სტრატეგიული პარტნიორია. შეჯიბრზე „თეგეტა მოტორსი" წარმოდგენილი იქნება Motul-ის საავტომობილო ზეთით, რომელიც სპეციალურად მაღალი და ექსტრემალური დატვირთვებით მომუშავე ავტომობილებისთვისაა შექმნილი
შეჯიბრი გაგრძელდება ორი დღის მანძილზე და ტარდება ხუთ კატეგორიაში: სტანდარტი, ორიგინალი, მოდიფიცირებული, პრომოდიფიცირებული და პროტო. მონაწილეები მაყურებლებს დაუვიწყარ და ექსტრემალურ სანახაობას პირდებიან!!!
შეჯიბრში მონაწილეობას იღებენ საქართველოს, სომხეთის, აზერბაიჯანისა და თურქეთის წარმომადგენლები. გამარჯვებულებს „თეგეტა მოტორსი" საჩუქრად გადასცემს Motul-ის პროდუქციისთვის განკუთვნილ ფასიან ვაუჩერებს.
ფრანგული კომპანია „მოტული" მსოფლიოში ცნობილია, როგორც უმაღლესი ხარისხის საავტომობილო და მოტოციკლეტების საცხებ-საპოხი მასალების მწარმოებელი. მისი ისტორია თითქმის 160 წელს ითვლის. Motul ოფიციალური მიმწოდებელია ბევრ საერთაშორისო შეჯიბრზე, მათ შორის: MotoGP, Road racing, Trial, Enduro, Endurance, Superbike, Supercross, Rallycross, World Rally Championship, FIA GT, Le Mans 24 Hours, Spa 24 Hours, Le Mans Series, rally raid, Paris-Dakar, F3.
Motul მჭიდროდ თანამშრომლობს ავტომწარმოებლებთან, მისი კონტრაქტორები არიან: Brabus, Nissan, Yamaha, Subaru, Peugeot, Honda , Suzuki. კომპანია ცნობილია რევოლუციური იდეებით, რომლებმაც სერიოზული ძვრები მოახდინეს საცხებ-საპოხი მასალების წარმოების დარგში. მოტულის ღირსებას წარმოადგენს მისი ინოვაციურობა, მაღალი ხარისხი და სწრაფვა განვითარებისკენ.