კომპანიამ წარმატებით გაიარა ერთთვიანი კომპლექსური და მასშტაბური შემოწმება, რის შედეგადაც 3 წლის ვადით ხარისხის ნიშნის მფლობელი ხდება. სავალდებულო ყოველწლიურ კონტროლს კი ყოველ მომდევნო წელს გაივლის.

საქართველოში სამომხამრებლო ბაზარზე ხარისხის ნიშანი 130 კომპანიას მიენიჭა, თუმცა ამ ეტაპზე მათგან მხოლოდ 70 ინარჩუნებს ხარისხის ნიშნით საკუთარი პროდუქციისა და მომსახურების მარკირების უფლებას.

როგორც „ხარისხი ნიშნის" პრეზიდენტი გრიგოლ კუნჭულია აცხადებს, „ხარისხის ნიშნის მისაღებად კომპანიამ „ასკანელი ძმები" უმკაცრესი კონტროლი გაიარა და ყველა პარამეტრით უმაღლესი შეფასება მიიღო. „ხარისხის ნიშნის" სერტიფიკატი ეს არის პროდუქციის მაღალი ხარისხის დამადასტურებელი მოწმობა. კომპეტენტურმა სპეციალისტებმა შეისწავლეს და შეაფასეს ხარისხის მენეჯმენტი, ჩაატარეს დოკუმენტების ანალიზი, შეამოწმეს ტექნოლოგიები და ტექნიკური აღჭურვილობა, პერსონალის კვალიფიკაცია, ხარისხის მართვის სისტემა, ობიექტების მდგომარეობა, წარმოების პირობები, სანიტარულ-ჰიგიენური ნორმები და მოხარული ვარ, რომ შეგვიძლია ასეთ ღირსეულ და წარმატებულ კომპანიას გადავცეთ ეს საპატიო სერტიფიკატი", - აცხადებს გრიგოლ კუნჭულია.

„ის ფაქტორი, რომ „ასკანელი ძმების" პროდუქცია ჩვენი გვარის სახელს ატარებს, ძალიან დიდ პასუხისმგებლობას გვაკისრებს. ამიტომ, ჩვენი მთავარი ამოცანა ყოველთვის იყო და იქნება მაღალი ხარისხის შენარჩუნება და ისეთი პროდუქციის შექმნა, რომლითაც ვიამაყებთ. ამიტომ ათმაგად გვიხარია, რომ დავიმსახურეთ ასეთი მაღალი შეფასება და პირობას ვდებთ, რომ „ხარისხის ნიშნის" შენარჩუნებაზე ყოველთვის ვიზრუნებთ. მით უფრო გვაქვს გრანდიოზული გეგმები, ვაპირებთ ახალი საწარმოო ხაზის მშენებლობას, თანამედროვე ტექნოლოგიების დანერგვას და ეს პროცესი ჩვენი უცხოელი კონსულტანტების რეკომენდაციებით წარიმართება," - აცხადებს ჯიმშერ ჩხაიძე ასკანელი.

8 მაისს ხარისხის ნიშანი ასკანელ ძმებთან ერთად კიდევ 5 ქართულ კომპანიას გადაეცემა. ესენია „საქართველოს ფოლკლორის სახელმწიფო ცენტრი", „უშიშროებისა და საკუთრების დაცვის სამსახური თორნი", საწარმო „ჯორჯიან ბეიქერსი", კაფე-რესტორანი „ფოლკ გარდენი" და ტურისტული კომპანია "GTM" (Georgian Tourism Marketing).

კომპანია „ასკანელი ძმები" 15 წლის წინ დაარსდა და სადღეისოდ ერთ-ერთი წამყვანი კომპანიაა ქართული ელიტარული ალკოჰოლის მწარმოებელ კომპანიებს შორის. კომპანია აწარმოებს 8 სახეობის კონიაკს, 32 დასახელების ღვინოს, 4 დასახელების ჭაჭას. „ასკანელი ძმების" პროდუქცია აღიარებულია საუკეთესოდ და მიღებული აქვს 100-ზე მეტი ჯილდო სხვადასხვა გამოფენებსა და დეგუსტაციებზე. „ასკანელი ძმები"-ს მიერ წარმოებული სასმელები გადის ექსპორტზე აშშ-ში, უკრაინაში, ჩინეთში, გერმანიაში, დიდ ბრიტანეთში, ესტონეთში, ლიტვაში, ლატვიაში, პოლონეთში, ჩეხეთში, ყაზახეთში, ფინეთში, აზერბაიჯანში და ბელორუსიაში.

ცნობისთვის: კომპანიის ისტორია სათავეს ბევრად უფრო ადრე, 1880 წელს გურიის სოფელ ასკანაში იღებს და ანთიმოზ ჩხაიძეს უკავშირდება, რომელმაც ასკანაში ღვინის მარანი დაარსა. მის მიერ დამზადებული ღვინოები მრავალფეროვნებითა და განსაკუთრებული არომატით გამოირჩეოდნენ. ანთიმოზ ჩხაიძის შთამომავლებმა გააგძელეს წინაპრის ტრადიცია და დღეს საქართველოსა და მსოფლიოს საუკეთესო ღვინოს და ბრენდის სთავაზობენ.