ავღანეთში ქართველი სამხედროების დაღუპვასთან დაკავშირებით საქართველოს მთელი მსოფლიოდან სამძიმარს უცხადებენ. საქართველოს თავდაცვის მინისტრს, პირადად დაუკავშირდა ნატო-ს გენერალური მდივნის მოადგილე ალექსანდრე ვერშბოუ და ნატო-ს გენერალური მდივნის სპეციალური წარმომადგენელი კავკასიასა და ცენტრალურ აზიაში ჯეიმს აპატურაი,-იტყობინება საქართველოს თავდაცვის სამინისტრო.
ასევე, სატელეფონო საუბარში ირაკლი ალასანიას სამძიმარი გამოუცხადა ევროპის გაერთიანებული სარდლობის ხელმძღვანელმა, გენერალმა ფილიპ მარკ ბრიდლავმა.
”ისინი ღრმა მწუხარებას გამოთქვამენ მომხდარი ტრაგედიის გამო და უსამძიმრებენ დაღუპული 7 ქართველი გმირის ოჯახს. მათ მადლობა გადაუხადეს საქართველოს თავდაცვის მინისტრს იმის გამო, რომ აუნაზღაურებელი დანაკარგის მიუხედავად, ქართველი სამხედროები კვლავ ვაჟკაცურად განაგრძობენ საერთაშორისო მისიის შესრულებას ავღანეთში”, - ნათქვამია სამინისტროს მიერ გავცელებულ ინფორმაციაში.
