კორუფციული დანაშაულის გამოვლენის და თავიდან აცილების მიზნით კომპანია „თელასში" სპეციალური კომისია შეიქმნა.
კომისია უზრუნველყოფს კორუფციის წინააღმდეგ ბრძოლის სათანადო კოორდინაციას, ასევე შეიმუშავებს კორუფციული ფაქტების წინასწარი გამოვლენის, აღკვეთის და მათი შედეგების აღმოფხვრის ღონისძიებებს.
კორუფციული დანაშაულების პრევენციის და თავიდან აცილების ღონისძიებები სს „თელასის" საქმიანობის ერთერთი პრიორიტეტული მიმართლებაა. კორუფციის წინააღმდეგ ბრძოლა ყველა მიმართულებით განხორციელდება- სამეურნეო, ფინანსურ და საწარმოო სფეროებში.
„თელასში" ამოქმედდა ცხელი ხაზი, რომლის მეშვეობით აბონენტებს შეუძლიათ კომპანიას შეატყობინონ ელექტროენერგიის დატაცების ფაქტები ან თელასის თანამშრომლების ნებისმიერი უკანონო ქმედების შესახებ, რაც კომპანიის საქმიან რეპუტაციას აზიანებს.
აბონენტს პასუხობს ავტომოპასუხე და ნახევარი წუთის განმავლობაში შეუძლია დაასახელოს დარღვევის ფაქტი, ადგილი, მონაწილეები და სხვა გარემოებები. სურვილის შემთხევაში შესაძლებელია ტელეფონის ნომრის ან სხვა კოორდინატების დატოვება (ცხელი ხაზი: 2 77 99 99) კანონდარღვევის შესახებ მომხმარებლებს შეუძლიათ „თელასს" შეატყობინონ ელექტრონული ფოსტის მეშვეობითაც hotline@telasi.ge. კონფიდენციალობა გარანტირებულია.
სს „თელასი" ორიენტირებულია კომპანიის საქმიანობის გამჭვირვალობის ამაღლებაზე, მომხმარებლების და თანამშრომლების ინტერესების მაქსიმალურ დაცვაზე. ამ მიმართულებით სამუშაოებს კომპანია მომავალშიც გაატარებს.
ცხელი ხაზი ასევე მოქმედებს ჯგუფში „ინტერრაო ეესი" („თელასის" ძირითადი აქციონერი). foreign@interrao.ru -ზე შემოსული შეტყობინებები ოპერატიულად ხვდება კომპანიის შიდა აუდიტის, კონტროლინგის და რისკების მართვის ბლოკში, რომელიც მენეჯმენტისგან დამოუკიდებლად დირექტორთა საბჭოს ექვემდებარება.
***სს „თელასი" ერთ-ერთი მსხვილი კომპანიაა საქართველოში ელექტროენერგიის დისტრიბუციის დარგში, რომელიც ახორციელებს ელექტროენერგიის განაწილებას თბილისში. კომპანია ელექტროენერგიას აწვდის 460 ათასზე მეტ მომხმარებელს. 2003 წლის აგვისტოში სს „თელასი" „ინტერრაო ეეს"-ის შემადგენლობაში შევიდა. „ინტერრაო ეეს"-ის მფლობელობაშია „თელასის" აქციათა 75%, ხოლო 25%-მდე სახელმწიფოს საკუთრებაა.
***ჯგუფი „ინტერრაო ეესი"- დივერსიფიცირებული ენერგეტიკული ჰოლდინგია, რომელიც რუსეთსა და მის საზღვრებს გარეთ ელექტროენერგეტიკის სფეროს მრავალ სეგმენტში მონაწილეობს. კომპანიას რუსეთის ელექტროენერგიის იმპორტ-ექსპორტის დარგში ლიდერის პოზიცია უკავია , მისი წილი აქტიურად იზრდება გენერაციის და რეალიზაციის სეგმენტებში, ასევე ავითარებს ბიზნესის ახალ მიმართულებებს. „ინტერრაო ეეს"-ის სტრატეგია მიმართულია გლობალური ენერგეტიკული კომპანიის შექმნისკენ, რომელიც მსოფლიო ენერგეტიკული ბაზრის ერთერთი გადამწყვეტი მოთამაშე იქნება.
„ინტერრაო ეეს"-ის ჯგუფის შემადგენლობაში შემავალი და მის მმართველობაში მყოფი ელექტროსადგურების დადგმული სიმძლავრე 33.5 გიგავატს შეადგენს.
