გადახედავს თუ არა მთავრობა ეკონომიკური ზრდის მაჩვენებელს ეს სავარაუდოდ ივნისის ბოლომდე გაირკვევა. როგორც დღეს ფინანსთა მინისტრმა ნოდარ ხადურმა განაცხადა, მთავრობა ელოდება მაისის მაჩვენებელს, რომელიც 16 ივნისისთვის იქნება ცნობილი. მინისტრის თქმით, თუ კი მაკრო-ეკონომიკური მაჩვენებლების ზრდა დაფიქსირდება, მაშინ დაგეგმილი მაჩვენებლები შესრულებადი გახდება.
„ჩვენ ველოდებით მაისის შედეგებს. მაისის პირველადი შედეგები უკვე გვეცოდინება 16 ივნისს. ანუ როცა დასრულდება დღგ-ს გადამხდელი კომპანიების დეკლარირება. თუ ზრდის ზრდის ტემპი ასე გაიზარდა, მაშინ აბსოლიტურად შესაძლებელია, რომ ჩვენ დაგეგმილი მაჩვენებელი შევასრულოთ. მით უმეტეს თუ გავითვალისწინებთ იმას, რომ შემოდგომა უფრო აქტიურნ იქნება, რადგანაც სოფლის მეურნეობაში მოველით დიდ ზრდას და ასე შემდეგ"- განაცხადა ნოდარ ხადურმა.
მინისტრის განმარტებით, პირველი კვარტალი შედარებით რთული იყო, თუმც აპრილიდან გამოცოცხლება დაიწყო.
