საერთაშორისო ინსტიტუტები საქართველოში გამართული საერთაშორისო სავალუტო ფონდისა და მსოფლიო ბანკის ჰოლანდია-ბელგიის ჯგუფების წევრი ქვეყნების ყოველწლიური შეხვედრის ორგანიზებით კმაყოფილნი არიან. როგორც დღეს ფინანსთა მინისტრმა განმარტა, შეხვედრა იყო ძალიან ნაყოფიერი.
„ჩვენ მივიღეთ მადლობის წერილი ჰოლანდიის საელჩოდან, ჰოლანდიის ფინანსთა მინისტრის სახელით, რომელიც საქართველოში იმყოფებოდა.დღეს ასევე მადლობა მივიღეთ სსფ-ს აღმასრულებელკი დირექტორისაგან, რომელიც რომ შეხვედრა თბილისში ძალიან მაღალ დონეზე იყო ორგანიზებული. მომავალი შეხვედრა გაიმართება უკრაინაში და სსფ-ს აღმასრულებელი დირექტორი ნახევრად ხუმრობით წერს, რომ უკრაინელებს გაუჭირდებათ ქართველებივით თამასა მაღლა აწიონ"- განაცხადა ფინანსთა მინისტრმა.
შეგახსენებთ, რომ აღნიშნულ შეხვედრაში მონაწილეობდნენ ჯგუფების წევრი 15 ქვეყნის (ბულგარეთი, ისრაელი, რუმინეთი, უკრაინა, ბელგია, ლუქსემბურგი, სომხეთი, ბოსნია და ჰერცოგოვინა, ხორვატია, კვიპროსი, საქართველო, მაკედონია, მოლდოვა, მონტენეგრო, ნოდერლანდები) ცენტრალური ბანკების მმართველები, ფინანსთა და ეკონომიკის მინისტრები, მსოფლიო ბანკისა და სსფ-ს მაღალი რანგის წარმომადგენლები.
