ვისოლ ჯგუფმა გარემოს დაცვის დღე ჰიბრიდული ავტომობილების test-drive-ით აღნიშნა. Toyota-ს ჰიბრიდული ეკოლოგიურად სუფთა ავტომობილების Toyota Prius-ის test-drive-მა სტარტი ვაკე-საბურთალოს გადასასვლელთან მდებარე ვისოლის ავტოგასამართ სადგურზე აიღო. ღონისძიებაში მონაწილეობა გარემოსა და ბუნებრივი რესურსების დაცვის მინისტრმა ხათუნა გოგალაძემაც მიიღო. Test-drive-ს „ავტობილდის" ლიცენზირებული ექსპერტი უძღვებოდა.
„ვისოლ ჯგუფისათვის გარემოს დაცვის საერთაშორისო დღის აღნიშვნა ტრადიციულია. ჩვენ ყოველ წელს სხვადასხვა გარემოსდაცვითი საინფორმაციო კამპანიებით ავღნიშნავთ, რადგან გარემოზე ზრუნვა ვისოლ ჯგუფის კორპორაციული სოციალური პასუხისმგებობის სტრატეგიის ერთ-ერთი ძირითადი პრიორიტეტია. ჩვენ მომხმარებელს უახლესი ევროპული სტანდარტის, ევრო ხუთის გოგირდისაგან თავისუფალ იტალიურ საწვავს ვთავაზობთ. ამას გარდა, ჩვენ აქტიურად ვავითარებთ გაზ გასამართი სადგურების ქსელსაც, რადგან გაზი ეკოლოგიურად სუფთა პროდუქტია. ამავე დროს, ვისოლში მკაცრადაა დაცული გარემოს უსაფრთხოების წესები საწვავის იმპორტის, შენახვისა და რეალიზაციის პროცესში. დღევანდელი აქციით კი გვსურს საზოგადოებას კიდევ ერთხელ მოვუწოდოთ, რომ გარემოს გაფრთხილება მათი ყოველდღიური საზრუნავი იყოს და მივაწოდოთ ინფორმაცია ჰიბრიდული ავტომობილების გარემოსდაცვითი უპირატესობების შესახებ", - აცხადებს „ვისოლ პეტროლიუმ ჯორჯიას" გენერალური დირექტორი ვასილ ხორავა.
Toyota Prius - ის ბენზინზე მომუშავე ძრავა გამოირჩევა CO2-ის ემისიის უმცირესი დონით, ხოლო ელექტროძრავა საერთოდ არ გამოყოფს CO2-ს და არ აბინძურებს გარემოს. სრულ ჰიბრიდულ ამძრავში გაერთიანებულია ელექტროძრავისა და 1,8ლ. მოცულობის ბენზინის ძრავის უპირატესობანი, რაც საშუალებას იძლევა, მნიშვნელოვნად შემცირდეს მისი ზეგავლენა გარემოზე.
Toyota Prius-ის test-drive გარემოსა და ბუნებრივი რესურსების დაცვის სამინისტროს ერთ თვიანი კამპანიის „მწვანე თვეს" ფარგლებში გაიმართა.
