ორ ქვეყანას შორის ურთიერთობები გაღრმავდება და ისრაელი საქართველოს ერთ-ერთი უმსხვილესი სავაჭრო პარტნიორიო გახდება. ამის შესახებ "ჯი-ეიჩ-ენისთვის" მიცემულ ინტერვიუში ისრაელის საგანგებო და სრულუფლებიანმა ელჩმა იუვალ ფუქსმა განაცხადა.
მისი თქმით, ისრაელში საქართველოს პრემიერ-მინისტრის ბიძინა ივანიშვილის ვიზიტის შემდეგ ორ ქვეყანას შორის ურთიერთობები კიდევ იფრი გაღმავდება.
"მჯერა, რომ უახლოეს მომავალში საქართველოსა და ისრაელს შორის ურთიერთობები კიდევ უფრო გაღრმავდება. მეტსაც გეტყვით თვალშისაცემია ტენდენცია, რომ საქართველოსა და ისრაელს შორის , სავაჭრო ბალანსი ყოველწლიურად იზრდება. მაგალითად 2011 წელს სავაჭრო ბრუნვა იყო 82 მილიონი, 2012 წელს 129 მილიონი. 2013 წლის მონაცემები ჯერ-ჯერობით არ გვაქვს. ყოველთვის ვამბობ და კიდევ ერთხელ გავიმეორებ, რომ დარწმუნებული ვარ ისრაელი იქნება საქართველოსთვის 10 ყველაზე უმსხვილეს სავაჭრო პარტნიორთა შორის. თუ ასე გავაგრძელებთ 2 წელიწადში ამ მიზანს აუცილებლად მივაღწევთ", - განაცხადა ელჩმა.
