2013 წლის მაისში წინა თვესთან შედარებით საქართველოში ინფლაციის დონემ 0,7 პროცენტი შეადგინა. „საქსტატის" ინფორმაციით, მოცემულ პერიოდში ინფლაციის მაჩვენებლის ფორმირებაში ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები და ტრანსპორტი.
სურსათი და უალკოჰოლო სასმელები: მოცემულ ჯგუფში ფასები გაიზარდა 3,0 პროცენტით. შესაბამისად, ჯგუფის წვლილმა მაისის ინფლაციაში 0,92 პროცენტული პუნქტი შეადგინა. აღნიშნულ ჯგუფში ფასები გაიზარდა შემდეგ ქვეჯგუფებზე: ხილი და ყურძენი (20,3 პროცენტი), ბოსტნეული და ბაღჩეული (11,6 პროცენტი). ამასთან ფასები შემცირდა რძის, ყველის და კვერცხის ქვეჯგუფზე (-3,3 პროცენტი).
ტრანსპორტი: მოცემულ ჯგუფში ფასები შემცირდა 1,8 პროცენტით. შესაბამისად, ჯგუფის წვლილმა მაისის ინფლაციის მთლიან მაჩვენებელში -0,22 პროცენტული პუნქტი შეადგინა. ფასების კლება დაფიქსირდა სამოქალაქო საჰაერო ტრანსპორტის ქვეჯგუფზე (-8,7 პროცენტი) და საწვავ-საპოხ მასალებზე (-2.1 პროცენტი).