„როდესაც ეროვნული ბანკის პრეზიდენტი საუბრობდა ეკონომიკური ზრდის პროგნოზის შემცირებაზე, ის და ჩვენ ყველანი ვეყრდნობოდით პირველი კვარტლის შედეგებს, რაც სიმართლე რომ გითხრათ, მართლაც არ იყო სახარბიელო. თუმცა აპრილი იყო გაცილებით უკეთესი, ვიდრე წინა პერიოდი. სებ-ს უფრო მეტი ოპერატიული ინფორმაცია აქვს და გვეუბნება, რომ მაისი უფრო კარგია. ჩვენც იმედი გაქვს, რომ ასე იქნება. ყოველ შემთხვევაში, ჩვენ ეს ინფორმაცია გვქნება 15 ივნისს 24 საათზე, როდესაც დღგ-ის გადამხდელი კომპანიების დეკლარაციების წარდგენის ვადა სრულდება. ჩვენ იმედი გვაქვს, რომ გაცილებით უკეთესი მე-2, მე-3 და მე-4 კვარტალი ექნება საქართველოს", - განაცხადა ხადურმა.

ეკონომიკური პროგნოზის შესაძლო გადახედვაზე სებ-ის პრეზიდენტმა კომენტარი არ გააკეთა, იმ მოტივით, რომ სებ-ს სსფ-სთან მუშაობა ჯერ კიდევ არ დაუსრულებია.

„ჩვენ ვმუშაობთ სსფ-თან. პროგრამა ჯერ არ დასრულებულა და მისი დასრულების შემდეგ ჩვენ შეგვეძლება უფრო კონკრეტულები ვიყოთ-„ განმარტა გიორგი ქადაგიძემ.

შეგახსენებთ, რომ 13 მაისს ეროვნული ბანკის პრეზიდენტის განცახადა, რომ შესაძლოა ქვეყნის ეკონომიკური ზრდის მაჩვენებლის პროგნოზი გადაიხედოს. გიორგი ქადაგიძის პროგნოზს არ დაეთანხმა პრემიერ-მინისტრი ბიძინა ივანიშვილი. მან სებ-ის პრეზიდენტს მოუწოდა თავი დაანებოს პოლიტიკური განცხადებების გაკეთებას და საკუთარ საქმეს მიხედოს.