შეზღუდულად ბრუნვადი მასალების ტრანსპორტირების, იმპორტის, ექსპორტის, რეექსპორტისა და ტრანზიტის საკითხების მოწესრიგებაზე ამერიდან სპეციალური კომისია იმუშავებს.
როგორც მტავრობის№131 დადგენილებით ირკვევა, კომისია თავისი საქმიანობისას საქართველოს კონსტიტუციით იხელმძღვანელებს და მისი ძირითადი ამოცანები იქნება:
ა) შეზღუდულად ბრუნვადი მასალების ტრანსპორტირების, იმპორტის, ექსპორტის, რეექსპორტისა და ტრანზიტის საკითხების მოწესრიგების მიზნით სამართლებრივი აქტების პროექტების შემუშავება;
ბ) შეზღუდულად ბრუნვადი მასალების ტრანსპორტირების, იმპორტის, ექსპორტის, რეექსპორტისა და ტრანზიტის საკითხების მოწესრიგების მიზნით სამართლებრივი აქტების პროექტების შემუშავების მიზნით სამუშაო ჯგუფების და მათი სამუშაო განრიგისა და შესრულების ვადების განსაზღვრა;
გ) საჭიროების შემთხვევაში წინადადებათა მომზადება კანონმდებლობის დადგენილი წესით, გადასინჯვის მიზნით.
კომისია უფლებამოსილია, შეზღუდულად ბრუნვადი მასალების ტრანსპორტირების, იმპორტის, ექსპორტის, რეექსპორტისა და ტრანზიტის რეგულირების სამართლებრივი საკითხების შემუშავების პროცესში შესაბამისი უწყებებიდან მოითხოვოს ყველა საჭირო ინფორმაცია და დოკუმენტაცია. ასევე შესწავლილი საკითხებისა და ანალიზის საფუძველზე, შეიმუშაოს დასკვნები, წინადადებები, რეკომენდაციები და წარადგინოს განსახი­ლველად საქართველოს შესაბამის უწყებებში;
კომიის თავმჯდომარედ გარემოსა და ბუნებრივი რესურსების დაცვის სამინისტროს ნარჩენებისა და ქიმიური ნივთიერებების მართვის სამსახურის უფროსი ალვერდ ჩანქსელიანია.