აჭარის რესპუბლიკური ბიუჯეტი 11 მილიონ 303 ათასი ლარით იზრდება. პროექტი რეგიონის საკანონმდებლო ორგანოში ფინანსთა და ეკონომიკის მინისტრის მოადგილემ განსახილველად და დასამტკიცებლად უკვე წარადგინა. ბიუჯეტის პროექტის მიხედვით ირკვევა, რომ ჯანდაცვის უწყება დამატებით 603 ათასს ლარს მიიღებს, ხოლო განათლების, კულტურის და სპორტის სამინისტრო 517 ათას ლარს. გარემოს დაცვისა და ბუნებრივი რესურსების სამმართველო სატყეო გზების გაყვანისთვის საჭირო ტექნიკის შესაძენად 1 მლნ 898 ათას ლარს მიიღებს, ხოლო სოფლის მეურნეობა აგროსერვისცენტრის განვითარებისთვის - 586 ათას ლარს.
მასალის გამოყენების პირობები
