დღეს, 27 მაისს, ქუთაისში, მრეწველთა სახლში საგამოფენო სალონი „ექსპო-იმერეთი"გახსნა, რომელიც იმერეთის, რაჭა-ლეჩხუმის, ქვემო სვანეთისა და გურიის რეგიონალური სავაჭრო-სამრეწველო პალატების ორგანიზებით იმართება. გამოფენის მიზანია, რეგიონალური ბიზნესის განვითარების ხელშეწყობა და ადგილობრივი პროდუქციის პოპულარიზაცია.
ექსპოზიციაში მონაწილეობს 50-მდე სხვადასხვა კომპანია, მათ შორის, რეგიონში მოქმედი საწარმოები: სს იმერი; შპს ჯეორჯიან ტექსტილი; შპს ფრეშ ჯეორჯია; სს საქ კაბელი; შპს თერნალის ჩაი; შპს ტყიბულის ჩაი; შპს ორგ ტექნიკა სოხუმი; შპს მეღვინეობა ხარება და სხვა. ქართველ და უცხოელ ბიზნესმენებს საშუალება აქვთ პირადად გაეცნონ და დაათვალიერონ აღნიშნული საწარმოების პროდუქცია.
გამოფენა საქართველოს სავაჭრო-სამრეწველო პალატის პრეზიდენტმა კახა ბაინდურაშვილმა გახსნა.
მასალის გამოყენების პირობები
