პროკრედიტ ბანკი განაგრძობს ფილიალების თანამედროვე დიზაინით, ახალი კონცეფციითა და უახლესი სტანდარტებით განახლებას, რომლის ფარგლებშიც ჭავჭავაძის გამზირზე # 10-ში სერვის პუნქტს ხსნის.
ჭავჭავაძის სერვის პუნქტი კვლავ განსხვავებული გრაფიკით, კვირაში 7 დღე, 09:30 -დან 22:00 საათამდე იმუშავებს. ახალი კონცეფციის „მომსახურება ერთ წერტილში" მიხედვით კლიენტებს საშუალება ექნებათ მომსახურება გაცილებით სწრაფად, ერთ კლიენტთა მრჩეველთან, კომფორტულ და მოსახერხებელ გარემოში მიიღონ, რაც მათ დროს მნიშვნელოვნად დაზოგავს.
„ყოველდღიურად ასეულობით ფიზიკურ და იურიდიულ პირს ვუწევთ საბანკო მომსახურებას. გახანგრძლივებული სამუშაო გრაფიკი მათთვის ძალიან მოსახერხებელია. ამიერიდან, ახალი დიზაინისა და კონცეფციის წყალობით შექმნილია ყველა პირობა, რათა კლიენტებს მოვემსახუროთ გაცილებით სწრაფად და ხარისხიანად. ვიმედოვნებ, რომ განახლებული სერვის პუნქტი უფრო მეტად შეგვიწყობს ხელს კლიენტებთან სანდო და გრძელვადიანი ურთიერთობის ჩამოყალიბებაში". - განაცხადა პროკრედიტ ბანკის ჭავჭავაძის სერვის პუნქტის კოორდინატორმა ირმა ბუხნიკაშვილმა.
პროკრედიტ ბანკი ზრუნავს კლიენტთა მომსახურების გაუმჯობესებაზე და წლის ბოლომდე, საქართველოს მასშტაბით ყველა ფილიალის ახალი კონცეფციის მიხედვით განახლდებას გეგმავს.