"კანონიერ ქურდი" კახაბერ შუშანაშვილი სარაგოსას ციხიდან გაათავისუფლეს. რადიო "დოიჩე ველეს"რუსული სამსახურის ცნობით, სასამართლოს განაჩენის მოლოდინში ესპანეთში, სარაგოსას ციხეში გატარებული 3 წლის შემდეგ შუშანაშვილი გაათავისუფლეს, ვინაიდან გამოძიებამ მის წინააღმდეგ საჭირო მტკიცებულებების დროულად შეგროვება ვერ შეძლო.
კახაბერ შუშანაშვილი, იგივე "კახა რუსტავსკი", რომელსაც ესპანური მედია "ქართულ-რუსულიმაფიის მსხვილ ავტორიტეტად'' მოიხსენიებს, ფორმალურად 50 000 ევროს გირაოს სანაცვლოდ გათავისუფლდა, თუმცა იურისტების ვარაუდებენ, რომ სასამართლო, შეიძლება, საერთოდ, არგაიმართოს. მიზეზი იგივეა - არასაკმარისი მტკიცებულებები.
შეგახსენებთ, რომ გავრცელებული ინფორმაციით, 40 წლის შუშანაშვილი, რომელიც ესპანეთისპოლიციამ 2010 წელს ბარსელონაში დააკავა, ავსტრიაში, გერმანიაში, საბერძნეთში, იტალიაში,შვეიცარიასა და სხვა ქვეყნებში ქართული დანაშაულებრივი ჯგუფების საქმიანობას კურირებდა.