ავტოსაგზაო შემთხვევა მოხდა გურჯაანში, თავისუფლების ქუჩაზე. თვითმხილველების ცნობით, დიდი სისწრაფით მოძრავი „ემელის" ჯიპი, რომელსაც გურჯაანის მუნიციპალიტეტის საკრებულოს აპარატის უფროსი ფარნა ბეროშვილი მართავდა, „ჟიგულის" მარკის მანქანას დაეჯახა. ინფორმაციას კახეთის საინფორმაციო ცენტრი ავრცელებს. შემთხვევის შედეგად „ჟიგულში" მყოფი ასაკოვანი ქალი ადგილზე გარდაიცვალა, 2 მგზავრი დაშავდა.
როგორც კახეთის საინფორმაციო ცენტრს, გურჯაანის სამედიცინო ცენტრში განუცხადეს, დაშავებულების ჯანმრთელობის მდგომარეობა სტაბილურია და მათ სიცოცხლეს საფრთხე არ ემუქრება.
მომხდართან დაკავშირებით აღძრულია სისხლის სამართლის საქმე. გამოძიებას საპატრულო პოლიციის კახეთის სამმართველო აწარმოებს.
სამართალდამცავებს ფარნა ბეროშვილი არ დაუკავებიათ.
მასალის გამოყენების პირობები