სამების საკათედრო ტაძარში გარდამოხსნის რიტუალი შესრულდა. გარდამოხსნა, რომელზეც ჯვარცმიდან გარდამოხსნილი უფალია გამოსახული, ყოვლადწმინდა სამების ტაძარში სპეციალურ სადგამზე დააბრძანეს.
გარდამოხსნის რიტუალი სრულიად საქართველოს კათოლიკოს პატრიარქმა ილია მეორემ სასულიერო პირებთან ერთად შეასრულა.
გარდამოხსნისას წმინდა სახარებიდან წაიკითხეს ის ადგილი, სადაც უფლის ჯვარცმის შესახებ არის საუბარი. ასევე შესრულდა ღვთისმშობლის დატირება, რომელიც დავით გურამიშვილის ლექსზეა დაწერილი.
გარდამოხსნა ტაძრის შუაგულში არასრული 3 დღის განმავლობაში რჩება, რაც იმის სიმბოლოა, რომ მაცხოვარი აღდგომამდე სწორედ 3 დღე იყო საფლავში.
მასალის გამოყენების პირობები