ხვალ, 30 აპრილს, 09:45 საათზე, სასტუმრო „შერატონ მეტეხი პალასში" გაიმართება რეგიონალური მრგვალი მაგიდა-კონფერენცია თემაზე: „კონკურენციის კანონმდებლობა და პოლიტიკა".
შეხვედრას ესწრებიან საქართველოს მთავრობის, საქართველოს პარლამენტის და ბიზნესის წარმომადგენლები, ექსპერტები აკადემიური წრეებიდან და სხვა დაინტერესებული პირები საქართველოდან, სომხეთიდან, გერმანიიდან, შვედეთიდან და პოლონეთიდან.
კონფერენცია საქართველოს ეკონომიკისა და მდგრადი განვითარების სამინისტროს, GIZ-ის (გერმანიის საერთაშორისო თანამშრომლობის საზოგადოება), საქართველოში ევროგაერთიანების წარმომადგენლობის, „საერთაშორისო გამჭვირვალობა - საქართველოს" (TI), საქართველოს განვითარების კვლევითი ინსტიტუტის (GDRI), შვედეთის საერთაშორისო განვითარების სააგენტოს (SIDA) და საქართველოში პოლონეთის საელჩოს ორგანიზატორობითა და პარტნიორობით იმართება.