1-ელ მაისს, 17:00 საათზე, საქართველოს ეროვნულ მუზეუმში გერმანული ენის თვე პრესკონფერენციით გაიხსნება.
პრესკონფერენციას დაესწრებიან საქართველოს საგარეო საქმეთა მინისტრი, გერმანიის ფედერაციული რესპუბლიკისა და შვეიცარიის ელჩები და ასევე ავსტრიის საპატიო კონსული საქართველოში.
გერმანიის, ავსტრიისა და შვეიცარიის საელჩოები მათ პარტნიორებთან ერთად
მთელი მაისის თვის განმავლობაში საზოგადოებას შესთავაზებენ მრავალფეროვან
და საინტერესო პროგრამას: დისკუსიებს, გამოფენებს, ფილმებისა და
ლიტერატურის საღამოებს, საინფორმაციო ღონისძიებებს, ვორკშოპებს,
კონკურსებსა და ბევრ სხვა ღონისძიებას.
სამი საელჩოს ერთობლივი ღონისძიებების მიზანია გერმანული ენისა და
კულტურის მიმართ საქართველოში უკვე არსებული ინტერესების გამოცოცხლება
და კიდევ უფრო გაღვივება.
2 მაისს, ლიტერატურის სახლში ავსტრიელი მსახიობი და რეჟისორი მარტინ ვალცი წაიკითხავს ლიტერატურულ ნაწარმოებებს. ხოლო 15-დან 18 მაისამდე შვეიცარიის საელჩო თბილისის გოეთეს ინსტიტუტში აჩვენებს შვეიცარიულ კლასიკურ ფილმებს.