ლაგოდეხის საბაჟო გამშვები პუნქტის გავლით, აზერბაიჯანიდან საქართველოში რუსეთის ფედერაციის მოქალაქე მ.მ. შემოვიდა. მოქალაქის ხელბარგის დათვალიერებისას, შემოსავლების სამსახურის საბაჟო დეპარტამენტის თანამშრომლებმა დიდი ოდენობით არადეკლარირებელი ოქროსფერი ლითონის ნაკეთობები გამოავლინეს. ნივთები ს.ბ.გ. თბილისის აეროპორტის ექსპერტიზის განყოფილებაში გაიგზავნა. ექსპერტიზის დასკვნის შედეგად დადგინდა, რომ 788,6 გრამი წონის ნაკეთობები ოქროსია, დანარჩენი 150 გრამი კი ბიჟუტერიაა. ნივთების საერთო ღირებულებამ 36531,17 ლარი შეადგინა. შესაბამისად, რადგან არადეკლარირებული ნივთების საერთო ღირებულებამ 15000 ლარს გადააჭარბა, შემდგომი რეაგირებისათვის საქმე ფინანსთა სამინისტროს საგამოძიებო სამსახურის კახეთის რეგიონულ სამმართველოს გადაეცა.
მასალის გამოყენების პირობები
