მანანა ბერიკაშვილმა 26 მაისს დაგეგმილი ღონისძიებების შესახებ ისაუბრა. როგორც კულტურის მინისტრის მოადგილემ მთავრობის კანცელარიაში ჟურნალისტებთან განმარტა საქართველოს დამოუკიდებლობის აღნიშვნა საზეიმო ღონისძიება უნდა იყოს.
,,ვფიქრობთ, რომ 26 მაისი სახალხო დღესასწაული გახდეს არა მარტო თბილისისთვის, არამედ მთელი საქართველოსთვის. ვგეგმავთ საქართველოს 25 ქალაქში ღონისძიებებს", -განაცხადა ბერიკაშვილმა და აღნიშნა, რომ საზეიმო ღონისძიებები თბილისის რამდენიმე რაიონში გაიმართება.
,,თბილისში საზეიმო ღონისძიებები იქნება რუსთაველის გამზირზე, გლდანის ცენტრალურ უბანსა და ვარკეთილში", -განაცხადა მანანა ბერიკაშვილმა.
შეგახსენებთ, რომ მთავრობის კანცელარიაში 26 მაისის ღონისძიებების საკითხზე მომუშავე სამთავრობო კომისიის პირველი სხდომა მიმდინარეობს.